“GUSTO KITA PERO HINDI MO PA ALAM”

Gusto kita pero hindi mo pa alam

Natatakot  akong sabihin ‘tong nararamdaman

Baka kasi sa puso mo’y ako’y alangan

Siguradong masakit na pakiramdam kasi ang matanggihan

Gusto kita pero hindi mo pa alam

Takot itong namamayani sa aking buong kalamanan

Hindi ko kasi alam kung ano ang kahihinatnan

Pagkatapos kong sabihin ang buong katotohanan

Gusto kita pero hindi mo pa alam

Nag-iisip ako ng mga paraan

Kung paano ipagtatapat ang nilalaman

Ng pusong ikaw lang ang gusto higit kaninuman

Gusto kita pero hindi mo pa alam

Hindi ako ‘yung tipo mo sa aking pakiramdam

Wala akong panama sa ibang lalaki diyan

Ako lang ‘yung torpeng laging nariyan kung kailangan

Gusto kita pero hindi mo pa alam

Ako’y naguguluhan  sa kung  paano aaminin

Ang tunay na nilalaman ng aking damdamin

Na gusto ka ng tulad kong nakasalamin

Gusto kita pero hindi mo pa alam

Sabi nila anuman ang maging kahinatnan

Basta daw ang mahalaga aking sinubukan

Na masabi ang matagal ng nararamdaman

Gusto kita pero hindi mo pa alam

Hindi ko maalis na magkaroon ng positibong ekspektasyon

Ngunit alam ko sa aking sarili na hindi lang dun nagtatapos iyon

May mga bagay talaga na hindi mo kontrolado ang magiging konklusyon

Gusto kita pero hindi mo pa alam

Hindi ko alam kung ano ang magiging kalalabasan

Maaring pagkatapos nito ay ako’y iyong iwasan

Anuman ang maging resulta dapat ako’y maging handa sa kahihinatnan

Gusto kita pero hindi mo pa alam

Dapat kong sabihin itong nararamdaman

Puno man ako ng takot at alinlangan

Dahil sa bandang huli mahirap itong pagsisihan

Gusto kita pero hindi mo pa alam

“Mutual” man o hindi ang nararamdaman

Anuman ang mangyari gusto kitang ligawan

Kung ako’y iyong pahihintulutan

Gusto kita pero hindi mo pa alam

Gusto ko sana ito sabihin ng buong katapatan

Kahit na pakiramdam ko ay babaliktad ang aking tiyan

Sa oras na ikaw ay nasa aking ng harapan

Gusto kita pero hindi mo pa alam

Gusto ko sana na malaman mo itong aking damdamin

Tanging sa’yo lang ito aaminin

Na minamahal ka ng tulad kong torpeng nakasalamin

Gusto kita pero hindi mo pa alam

Hindi ako guwapo o talentado tulad ng ilan

Hayaan mo na aking patunayan

Na meron din akong mga magagandang katangian

Gusto kita pero hindi mo pa alam

Sana sa oras na sabihin ko ang aking nararamdaman

Ako’y umaasasa na maging maganda ang kalalabasan

Nitong pagtatapat na aking sisimulan

Gusto kita pero hindi mo pa alam

Matagal na ito aking nararamdaman

Gusto kong malaman mo na ikaw lang ang tanging nilalaman

Sa aking puso, matagal ng ikaw ang nananahan.